Read full review
2012-08-22
583 views
今日約左個朋友食lunch, 先上黎check下有乜comments, 見好壞參半. 但又想食日本野, 所以都膽粗粗走入去試下. Lee到都好多唔同既set, 因為都係想食壽司為主, 所以叫左個sushi set, 都有驚起喎, 唔係之前所寫既咁唔得. 魚生,壽司都夠生鮮, 壽司好似細件d, 無諗果睇落賣相普通都好味, 我問過waiter點解d壽司飯咁唔同. 有少少酸, 同埋好似每粒飯都好分明, 又好有黏性, 佢話係用日本米既. 唔怪得.另外面豉湯, 原來都有兩款. 有白又有紅. 相信平時出去飲開既就係白, 而個waiter又話紅特別點, 所以又試下. 味道就比較濃身d. 裡面仲有菇菇. 唔錯. 值得試下. 前菜就無乜特別, 勝在夠開胃, 仲有一盅凍豆腐, 有唔同既配料撈埋一齊食. 記得好似係薑, 葱, wasabi, 同面豉粒, 另外橙色果隻唔記得係乜. 我就鐘意食面豉粒, 因為豆腐有好重既豆味, 比較淡味, 所以配番面豉粒就岩晒, 仲有喎, 原來係用豆漿整. 總括唔錯. 0係金鐘黎講價錢都算合理. 二百幾蚊一個set. service 都算幾好, 下次可以再去試下另外果d.
今日約左個朋友食lunch, 先上黎check下有乜comments, 見好壞參半. 但又想食日本野, 所以都膽粗粗走入去試下. Lee到都好多唔同既set, 因為都係想食壽司為主, 所以叫左個sushi set, 都有驚起喎, 唔係之前所寫既咁唔得. 魚生,壽司都夠生鮮, 壽司好似細件d, 無諗果睇落賣相普通都好味, 我問過waiter點解d壽司飯咁唔同. 有少少酸, 同埋好似每粒飯都好分明, 又好有黏性, 佢話係用日本米既. 唔怪得.
另外面豉湯, 原來都有兩款. 有白又有紅. 相信平時出去飲開既就係白, 而個waiter又話紅特別點, 所以又試下. 味道就比較濃身d. 裡面仲有菇菇. 唔錯. 值得試下.
前菜就無乜特別, 勝在夠開胃, 仲有一盅凍豆腐, 有唔同既配料撈埋一齊食. 記得好似係薑, 葱, wasabi, 同面豉粒, 另外橙色果隻唔記得係乜. 我就鐘意食面豉粒, 因為豆腐有好重既豆味, 比較淡味, 所以配番面豉粒就岩晒, 仲有喎, 原來係用豆漿整.
總括唔錯. 0係金鐘黎講價錢都算合理. 二百幾蚊一個set. service 都算幾好, 下次可以再去試下另外果d.
Post
