Read full review
2014-03-25
960 views
因為公司起堅尼地城,有時心血來潮都會走黎石塘咀食晏,黎過幾次街市個熟食中心,之前因為就個唔食得辣嘅同事,所以都會去其他幾檔,但今日既然同事已走,就去辣一辣佢!本身想叫個午餐,店員話賣晒,一輪咀推介左5,6樣野,我就揀左辣子肥腸,嘩,黎到碟嘢紅噹噹,有一半都係炸辣椒,大鄉里出城,真係未見過到食落口,真係正斗,豬腸香脆得黎唔係話好辣,味道略鹹佐飯一流,其實有啲似椒鹽炸XX咁,不過就辣少少,如果嫌唔夠辣，可以食下啲炸辣椒，我就咬左兩粒，真係辣到喊……見對面個阿姐叫左個水煮鯇魚,明顯係辣好多,下次一定要試下!最後我食剩啲辣椒，臨埋單我問老闆娘：「啲辣椒唔使食晒嘎？」佢話：「裝飾黎嘅啫。」臨走，幫我落單個店員話：「你碟肥腸就真係抵食，我地員工自己買返去食都無咁多肥腸。」呢啲咪人情味囉！
本身想叫個午餐,店員話賣晒,一輪咀推介左5,6樣野,我就揀左辣子肥腸,嘩,黎到碟嘢紅噹噹,有一半都係炸辣椒,大鄉里出城,真係未見過
到食落口,真係正斗,豬腸香脆得黎唔係話好辣,味道略鹹佐飯一流,其實有啲似椒鹽炸XX咁,不過就辣少少,如果嫌唔夠辣，可以食下啲炸辣椒，我就咬左兩粒，真係辣到喊……見對面個阿姐叫左個水煮鯇魚,明顯係辣好多,下次一定要試下!最後我食剩啲辣椒，臨埋單我問老闆娘：「啲辣椒唔使食晒嘎？」佢話：「裝飾黎嘅啫。」臨走，幫我落單個店員話：「你碟肥腸就真係抵食，我地員工自己買返去食都無咁多肥腸。」呢啲咪人情味囉！
Other Info. :
道菜黎到,對面阿姐嘖嘖稱奇,嘩一聲,然後用普通話問:「你是北方來的大學生嗎?」我用返廣東話答:「我係本地人黎嘅。」佢話：「見你食得咁辣，仲以為你係北方黎嘅添。」
(The above review is the personal opinion of a user which does not represent OpenRice's point of view.)
Post
