我等左差唔多15-20分鐘攞到碗麵，企喺度嗰陣時有兩個客人催外賣，一個就開到口話等左30分鐘可唔可以理下啲外賣，但我見岩岩坐低堂食嗰啲無耐就有得上麵，只能講可能岩岩開張係要等耐啲。
首先就係個霸王雞翼，佢係比譚仔香啲，但係佢真係幾咸，同大家試過可以唔洗嗌，咸到食左幾啖已經唔想食😂😂
就碗麵嚟講，佢嘅酸辣湯係ok既，唔會話死酸嗰種，但又未話到驚喜既程度，中規中矩。我就嗌左雞肉竹笙牛丸，佢啲牛丸同竹笙係ok好食既，但係雞肉就鞋鞋地，之後就唔會嗌雞肉了。三個餸嚟講50幾蚊，我認為係略貴左少少。
（個人口味而言）
湖南酸辣湯米線嚟講就係 譚仔>九頭鳥>三哥
