上菜嘅時候見到鋪滿整個飯面嘅吞拿魚腩，精神當堂為之一振。吞拿魚包就食得多，吞拿魚腩就真係好少食，都有少少驚會唔會成個飯太腥。而魚腩當中夾雜咗少少薑蓉，所以一啲都唔覺得腥。食落口感非常唔錯，鮮嫩嘅吞拿魚腩蓉入口即溶，魚油豐富。魚腩蓉面有一隻溫泉蛋，我就選擇咗將溫泉蛋搞爛，難將佢同魚腩蓉同飯撈埋一齊食，口感一流。另外，丼飯用料新鮮，而且份量一啲都唔少。我覺得都算物超所值。
成個套餐仲配有前菜，味噌湯同埋蒸蛋，以佢嘅前菜亦都一啲都唔馬虎，例如味噌湯唔會太鹹，蛋亦都唔會蒸得太老。
至於餐廳嘅環境亦都非常舒適，裝修係仿日本神社嘅風格，令到你好似置身喺日本咁。如果係坐卡位嘅話，枱同枱之間仲有屏風遮住，一來又衛生啲，二來私隱度亦都好高，成個lunch可以話係一個愉快嘅經歷。
