呢間拉麵店近期做緊角落小夥伴主題，成間店都係角落小夥伴佈置，連食物都有造型， 超可愛☺️ 未食已經瘋狂打卡！
🍜 黑醬油拉麵及🦐 白鹽蝦拉麵
兩款拉麵都用上角落小夥伴嘅拉麵碗，而且仲有角落小夥伴嘅造型魚蛋，好cute 🥰味道方面黑醬油拉麵：湯底濃郁得嚟唔會太鹹，叉燒厚切嫩滑，溏心蛋流心效果完美。白鹽蝦拉麵：清甜嘅蝦湯底，飲落好舒服，仲有兩隻大蝦，肉質爽彈。
小食🍢 串燒雞軟骨燒到微微焦香，雞軟骨脆卜卜。🍠 栗子紫薯餅有角落生物嘅炸蝦造型，外脆內軟，紫薯香甜。
🍨 特製芭菲係打卡必點！角落小夥伴造型嘅甜品，有齊雪糕、生果、脆脆，甜度剛好～
飲品🍹 青蘋果梳打& 荔枝梳打，兩款都清新解渴，青蘋果酸酸甜甜，荔枝香甜，仲有角落小夥伴造型棉花糖，可愛到唔捨得飲！
🎁買任何產品即送鎖匙扣一個
🎁在店內點取SG特製拉麵時（不包括飲品或小食），然後Follow富山麵家社交平台, like and share post，免費送A4 Folder一個
另外仲有其他精品：拉麵碗、環保袋可以換購。
餐廳環境每個角落都係打卡位，食物質素亦唔錯，絕對係粉絲必到！
