小火焰韓式咖啡廳 (觀點中心) (Closed)

小火焰係觀塘都算幾出名，幾位觀塘地膽fd都話食過，聲稱吾錯。今日難得平日放假，見疫情轉好，當然要約埋中同fd黎試下。觀塘apm出口行3分鐘就到觀塘中心，經扶手電梯上一層就到，門口有大大隻餐廳名，吾難搵。午巿有套餐同散叫選擇，套餐就用QR code，散叫就搵侍應幫手。散叫既menu成本雜誌咁，款式幾多，全部有圖。呢排要避免食飯(減重中)，所以揀左散叫。柚子蜜糖雞翼炒年糕有足料，有成5隻雞翼，年糕煙un得黎，吾會太硬，有d翠肉瓜紅椒洋蔥做配菜，同柚子味同蜜糖醬汁無違和感。韓式蟹籽蛋卷估吾到有飯係入面，有蛋有飯有蟹籽，配埋沙律醬，感覺清新有口感。另外，侍應好細心咁幫我地將辣醬分開上，吾食辣既我就吾洗驚。呢度下單同叫甜品上枱都會主動提供餐具，方便大家share，夠細心。松露曲奇脆脆3.6牛乳雪花冰雪花冰綿綿密密，有淡淡牛奶味，松露同曲奇夠脆，份量兩三個人分享都無問題。