餐廳位於APM 附近，只需要步行大約五分鐘的路程，很方便。
門口的公仔櫃很吸晴， 很有韓風的味道！ 等了一陣就可以入座了， 坐得有點迫不過吾緊要啦， 食物水準比較緊要。
我們點了一個BB 豬肋骨芝士湯底拉麵，雪糕筒黑松露芝士扁意粉同埋一客韓式剪餃子。
個拉麵湯底好正好香濃， 芝士湯配埋配菜kimchi 的微辣簡直是味蕾的享受。 所以我食了兩啖先記得影相。 份量吾多，應該幾適合女仕的胃口。
意粉睇得又食得，相信係好多打卡迷不會錯過的食品。 雪糕筒入面裝住既係cream cheese 「雪糕球」，混入去個意粉汁度食， 呢碟意粉要趁熱食，如果吾係個汁會結左，同埋都幾漏！
呢度的侍應好忙碌，行來行去幫人客收碟，但係我叫了三次佢地應了三次都吾會加水，繼續係度行。 或者可以考慮用大一點的水杯就可以減卻一點功夫吧！
