今次專登book咗「喰楽」$499關西風壽喜燒套餐，真心驚喜！前菜三小碟：磯煮鮑魚軟嫩鮮甜彈牙🥢，蘿蔔清甜無渣，水雲酸咪咪好開胃。櫻花蝦茶碗蒸好滑，最主要係個汁係自己調配，蝦香滲透蛋香，暖胃一流！
主角宮崎牛上枱睇見都開心～西冷油花靚到似藝術品✨，肉眼甘香濃郁，牛肩肉爽口有咬勁；自選個到分別叫咗個油香味最重嘅西冷同埋多塊西冷，同埋肉味最重嘅牛肩肉，全程都有店員幫手燒，好似食緊席前烹煮咁😍😍和牛輕輕一灼蘸蛋漿，脂香係個口都爆發！野菜拼盤有日本大蔥同芋絲索汁最正，仲有本菇、豆腐吸飽壽喜燒汁，甜鹹平衡得啱啱好。
舞茸海鮮湯清清地解膩，焦糖布甸脆皮焦香🍮，豆腐雪糕豆味濃又唔會太甜～成個set份量足，牛肉質素對得住價錢，觀塘工廈藏寶啊！ #抵食關西風 #和牛控必試
