小漁港海鮮舫 鮮蒸‧鮮味火鍋

Open Now

Now Closed

今日約了舊同事聚下舊，有一位識飲識食的同事，強力推介去太子食蒸氣粥底火鍋，我心諗每區都有蒸氣火鍋啦，就即管去試下龍與鳳。到步後見到門面裝修好似一間海鮮店，有大大的魚缸，養咗好多唔同類型的海鮮，全部都非常生猛，再入店內，裝修得有濃厚香港漁港情懷特色的佈置，有卡位也有圓枱，地方乾淨整潔。坐下來後看看餐牌，有不同的套餐，各有特色，同事推介食$298一位的「是日廚師精選套餐」，如果星期一至四仲免收加一茶介😍免小食，他說性價比極高。每位包八款時令海鮮、二款刺身、四款時蔬、一款主食，餐廳每日會更新他們的 Facebook 專頁，提供是日的時令海鮮有邊幾款，會因應當日最新鮮的品種而定當日的餐單，聽到都覺得好吸引。先講飲品的選擇，酒精類有多款啤酒、梅酒、清酒、日本酒、紅酒、白酒等。而非酒精類，意大利有氣鮮果汁、鴻福堂樽裝飲品、汽水、梳打水、蒸餾水等。點餐後唔洗點等已經好快上刺身拼盤，賣相一流，擺盆精美，有北寄貝，又厚又大片，入口彈牙好鮮味。帶子刺身，入口軟熟鮮甜。而再吸睛的是超大海膽，比手指公還要大的size,放在青瓜面上同吃，入口有濃烈的膏香，入口即溶，而那份海膽的膏香味，在口內久久不散，回味無窮。