Two Greens (Pak Po Street)

疫情過後，兩草都終於係舊年旺角重開，呢個人氣大馬小食店一直都出哂名「平」價又貼地，三四十蚊就有交易。有落場時間，大家去食記得留意時間。

1

胡椒湯小籠包

$40

胡椒湯小籠包 $40
★★★☆☆
湯底偏重胡椒味，飲落帶辣口，好惹味。小籠包有3件，皮唔夠薄身，肉餡偏瘦冇咩肉味同軟爛。個人覺得個湯底完勝小籠包。

香煎脆邊蛋肉餅飯

$42

香煎脆邊蛋肉餅飯 $42
★★★☆☆
燶邊荷包蛋整得好好，邊位脆卜卜，荷包蛋仲係流心，加埋蔥花、甜豉油撈飯一流。肉餅煎得幾香口，食落仲脆脆地，但係唔JUICY好乾身同鞋口，肉餅都係全瘦肉。

豬油渣溫泉蛋飯

$38

豬油渣溫泉蛋飯 $38
★★★☆☆
豬油渣炸到好脆好香，份量多，加埋豉油、溫泉蛋撈飯都幾唔錯，如果有得加埋豬油就更好，因為會更加香。由於配料較少，食落個飯變成為好大一部分，但個飯煮得太軟身同濕，敗筆之處。

🌟總括：今時今日喺旺區，呢個價錢呢個份量算係抵食，味道各方面中等，未到好味到值得排隊，但店入面流轉都快，唔算等太耐。