Read full review
2020-05-26
523 views
觀塘區一向好多食肆,今日為咗慶祝朋友嘅生日,特登上網搵咗一間近佢Office又食到高級鐵板燒嘅餐廳,對呢邊嘅打工仔來講地理位置非常方便,食好嘢都唔使出到中環嗰邊咁遠。我哋叫咗880嘅套餐,一開始唔少得嘅緊係前菜沙律同埋漬物。沙律菜新鮮爽脆,酸酸甜甜好開胃。漬物方便我就鍾意牛蒡,好有咬口。食主菜之前師傅特登俾我哋睇同介紹啲食材,童叟無欺,我哋呢個套餐有龍蝦同銀鱈魚。手臂咁大條龍蝦真係非常吸引。食鐵板燒最鍾意就係睇師傅嘅功夫,師傅烹調龍蝦嘅時候動作非常流利,賞心悅目,係視覺同味覺嘅享受。呢度龍蝦係我最鍾意嘅菜式,材料係簡單嘅牛油同蝦膏烹調而成,但配上龍蝦本身肉質嘅鮮味,真係忍唔住食完一舊又一舊,真係好想送飯食。之後上碟嘅係煎銀鱈魚配蘆筍紅椒同冬菇,師傅煎到銀鱈魚嘅表面呈金黃色,外皮香脆之餘又保留到入邊魚肉嘅嫩滑。之後上嘅日本A5宮崎和牛薄燒就咁睇個紋路就知道好出色,油脂分布好均勻。和牛煎到表面略帶香脆,配埋一邊嘅香蔥同蒜片,有另一層次嘅味道同口感,非常邪惡。我未試過飲龍蝦頭製成嘅麵豉湯,味道好似合併西式嘅龍蝦湯同日式嘅麵豉湯,一次過滿足你兩個願望,又唔會浪費左套餐嘅龍蝦頭。用鐵板燒炒出嚟嘅
我哋叫咗880嘅套餐,一開始唔少得嘅緊係前菜沙律同埋漬物。沙律菜新鮮爽脆,酸酸甜甜好開胃。漬物方便我就鍾意牛蒡,好有咬口。
食主菜之前師傅特登俾我哋睇同介紹啲食材,童叟無欺,我哋呢個套餐有龍蝦同銀鱈魚。手臂咁大條龍蝦真係非常吸引。
食鐵板燒最鍾意就係睇師傅嘅功夫,師傅烹調龍蝦嘅時候動作非常流利,賞心悅目,係視覺同味覺嘅享受。呢度龍蝦係我最鍾意嘅菜式,材料係簡單嘅牛油同蝦膏烹調而成,但配上龍蝦本身肉質嘅鮮味,真係忍唔住食完一舊又一舊,真係好想送飯食。
之後上碟嘅係煎銀鱈魚配蘆筍紅椒同冬菇,師傅煎到銀鱈魚嘅表面呈金黃色,外皮香脆之餘又保留到入邊魚肉嘅嫩滑。
之後上嘅日本A5宮崎和牛薄燒就咁睇個紋路就知道好出色,油脂分布好均勻。和牛煎到表面略帶香脆,配埋一邊嘅香蔥同蒜片,有另一層次嘅味道同口感,非常邪惡。
我未試過飲龍蝦頭製成嘅麵豉湯,味道好似合併西式嘅龍蝦湯同日式嘅麵豉湯,一次過滿足你兩個願望,又唔會浪費左套餐嘅龍蝦頭。
用鐵板燒炒出嚟嘅炒飯係非常有鑊氣,材料好簡單但係好考師傅功夫,啲蛋均勻咁痴滿每粒米飯,好正。
砂糖多士都係我每次食鐵板燒最期待嘅一道菜,師傅煎到多士非常香脆,好似食緊薯片咁。
最後仲有抹茶雪糕,為呢一餐點上完美嘅句號。
估唔到觀塘有呢一間臥虎藏龍嘅餐廳,呢個價錢絕對係物超所值,侍應亦都服務周到,係咁幫我哋加茶,我絕對會再次光臨呢間鐵板燒餐廳。
Post