呢間餐廳平日都好full，大概都有八成滿，裝修幾有泰式風味。
首先，嗌咗個泰式生蝦，味道都唔錯，個醬汁調校得幾好，簡直透心涼。
菠蘿沙冰好大杯，飲極都飲唔完，都幾消暑，酸酸甜甜咁樣，朋友嗌嘅青檸梳打都好大杯。
本來想食冬陰功，但係驚兩個人食唔晒，最咪嗌咗明爐魚冬陰功湯底，酸酸地，條魚都幾大條，加埋粉絲都幾飽肚。
馬拉盞通菜炒得爽口，醬汁調教OK。
仲有泰式臘腸肉鬆炒飯，我覺得幾好味，本身鍾意食泰式臘腸，鍾意甜甜地嘅味道。
今餐飯大概$700 ，價錢就正常啦，望到海景都幾放鬆嘅，可以揀坐戶外定係室內，咁熱嘅天氣我都係揀咗坐入面涼冷氣，餐廳送餐快速，基本上唔使點樣等啲嘢食就好快嚟到。
如果入嚟度假可以試吓呢間餐廳，己有旅行嘅感覺。
