今日同朋友一齊去西環搵好嘢食，去咗可可店之後唔夠喉，過咗去堅尼地城嘅呢間飲品店買珍珠奶茶！
去到Smithfield walk嘅入口，已經見到花斑茶社嘅廣告。搭完電梯之後，仲見到地下好多花斑茶社嘅珍珠奶茶貼紙，一路貼滿沿途直到店舖門口，好有氣勢！
我平時最想飲嘅都係黑糖珍珠奶茶，每次飲完都覺得好幸福！呢度嘅黑糖珍珠奶茶都有少少變化，朋友一見到黑糖珍珠烏龍奶茶就立刻推薦俾我，咁當然我就二話不說去叫咗一杯😆
我同朋友都覺得你杯飲品比起我平時飲嘅黑糖飲品更加出色，因為係用咗烏龍茶嘅關係，齒頰留香，有清幽嘅烏龍茶味。而且成杯飲品嘅感覺都好細滑，奶同茶嘅比例都平衡得非常之好，飲完成杯都唔會好滯好漏。而珍珠嘅口感都非常煙韌同彈牙，我同朋友都讚口不絕。
下次一定要試吓芝士奶蓋泰式奶茶！估唔到呢度連Thai tea都有，一定要試一試！💕
