這間舖原來有兩層，而三樓係賣衫的～裝修比較日式而且最特別係盞燈有塊布包住，枱號係用針織包住嘅石頭🪨。隔唔中會轉下餐牌，轉下時令甜品，用心研發新甜品，有驚喜！good good!!甜品啱食仲可以外賣呢！
✨滑蛋菇菇飯 $108
（雞髀菇、本菇、蛋、菠菜葉）
原本想食五目天丼，但賣曬TT 唯有食滑蛋菇菇飯。兩個飯都是有胡麻醬沙律🥗、足料的麵豉湯、蘿蔔蓮藕漬物、醃白蘿蔔，正。蛋幾香，啲飯粒粒分明，有幾粒大菇粒，可以撒啲七味粉撈埋一齊食，5～默默地食😂
✨Good Good 燒飯團茶漬 $118
（玉子燒、梅子、菇、燒飯團）
睇吓大家鍾唔鍾意濕食，試咗一啖我都係鍾意菇菇飯多啲，哈哈，不過個玉子燒蛋香好重，good good!!
✨抹茶黑豆麻薯磅蛋糕 $68
被抹茶及麻薯吸引了而選的，磅蛋糕口感比較粗糙有顆粒感，而黑豆亦是有咬口的，不會有甜，表皮是有脆脆口感，是鹹鹹脆脆的芝麻香crumble，仲有麻薯夾心，挺好吃！
✨菠蘿黑胡椒芝士蛋糕 $88
其實一開始我不太被吸引，因為菠蘿同黑胡椒？ ？朋友表明佢有自信咁嘅配搭一定要試吓佢，ok!! 原來是芝士蛋糕裡有菠蘿絲，只是有微微的黑椒粒，無咩黑椒味，芝士亦都唔會太漏～依個甜品設計原來仲係有意思的詳情可參閱佢哋嘅社交平台～
用餐時間只有75分鐘呢～星期一二休息，有得walk in，但最好就網上訂座咁就唔會驚無位！六點就關門呢！
推薦：🌕🌕🌕🌕🌑
