202
60
34
Level4
208
0
2015-07-17 4624 views
又一次跟隨openrice龍虎榜搵嘢食~今次嚟到銅鑼灣人氣高企嘅韓食school food。話明人氣高企,要排隊已經係預料之內!一到門口,果然係好多人⋯接近於last order時段,人潮還不斷⋯又係有限時,個幾鐘用膳時間。排左十幾分鐘,入座第一時間當然要火速落order啦!因為可以爭取更多時間慢慢嘆。店內燈光偏暗,好自然令人有放鬆嘅心情⋯餐牌唔算太多選擇,比較西式化嘅韓國料理。圖片齋睇其實都幾吸引,樣樣都好想試,但見到附近檯面嘅食盆其實都幾大⋯基本上一人叫一個set,張檯其實應該啱啱夠擺⋯⋯結果最後揀左兩款主菜同一壺芒果特飲,再加一款小食⋯由落order到上菜,其實都幾有效率!好快就見到食物嘅盧山真面目!其實同圖片真係無異!呢樣其實可以加分!因為坊間有好多都係圖片只作參考,做到與圖片無異,基本好值得讚賞!芒果特飲,果香味道唔錯!容量都幾多,兩個人一人飲幾杯都仲有!烏卒卒(墨魚),個樣雖然烏卒卒,但一啲都唔醜樣!黑得嚟夠索!味道甜甜地,墨魚同飯粒好夾,仲有小小辣辣地,煙煙韌韌,又幾特別喎!軟芝士泡菜鐵鍋飯,賣相好吸引喔!每粒飯嘅顏色好均勻,飯亦處理得好,唔太乾唔太濕,味道亦係甜甜,又辣
Read full review
又一次跟隨openrice龍虎榜搵嘢食~
今次嚟到銅鑼灣人氣高企嘅韓食school food。
話明人氣高企,要排隊已經係預料之內!
一到門口,果然係好多人⋯接近於last order時段,人潮還不斷⋯又係有限時,個幾鐘用膳時間。排左十幾分鐘,入座第一時間當然要火速落order啦!因為可以爭取更多時間慢慢嘆。
店內燈光偏暗,好自然令人有放鬆嘅心情⋯餐牌唔算太多選擇,比較西式化嘅韓國料理。圖片齋睇其實都幾吸引,樣樣都好想試,但見到附近檯面嘅食盆其實都幾大⋯基本上一人叫一個set,張檯其實應該啱啱夠擺⋯⋯結果最後揀左兩款主菜同一壺芒果特飲,再加一款小食⋯

由落order到上菜,其實都幾有效率!好快就見到食物嘅盧山真面目!其實同圖片真係無異!呢樣其實可以加分!因為坊間有好多都係圖片只作參考,做到與圖片無異,基本好值得讚賞!

芒果特飲,果香味道唔錯!容量都幾多,兩個人一人飲幾杯都仲有!

烏卒卒(墨魚),個樣雖然烏卒卒,但一啲都唔醜樣!黑得嚟夠索!味道甜甜地,墨魚同飯粒好夾,仲有小小辣辣地,煙煙韌韌,又幾特別喎!

軟芝士泡菜鐵鍋飯,賣相好吸引喔!每粒飯嘅顏色好均勻,飯亦處理得好,唔太乾唔太濕,味道亦係甜甜,又辣辣地。味道就中規中舉啦!

每款主菜都可以加錢換小食,可以加沙律、炸雞等⋯結果揀左炸雞啦⋯不過味道就⋯麻麻,雞肉處理得較濕,唔夠乾身同脆!雞肉質地亦唔夠滑,有啲似麥樂雞咁!

總括,環境同食物都唔錯,但如果要搞到咁瘋狂排隊,我又覺得未夠值得。始終都未去到咁頂級嘅滋味,試過其實已經足夠,但要下次再特登嚟?咁又未必喇^_^''
軟芝士泡菜鐵鍋飯
132 views
0 likes
0 comments
炸雞
83 views
0 likes
0 comments
烏卒卒
97 views
0 likes
0 comments
芒果特飲
93 views
0 likes
0 comments
1943 views
2 likes
0 comments
2122 views
1 likes
0 comments
(The above review is the personal opinion of a user which does not represent OpenRice's point of view.)
Post
DETAILED RATING
Taste
Decor
Service
Hygiene
Value
Waiting Time
15 Minutes (Dine In)