榕記車仔麵 (Closed)

今晚同屋企人第一次幫襯，三人分別叫咗白果胡椒豬肚湯配米粉、幼麵，豬骨湯底配出前一丁，而餸菜叫咗陳皮魚蛋、豬手、豬軟骨、雞中翼、時菜、豬大腸同牛腩，仲有小食蒜泥白肉、辣汁魷魚同滷牛𦟌一齊share試下多D款色同味道。白果胡椒豬肚湯底飲得出用心製作、真材實料火口十足，飲完完全冇口渴，所以肯定冇味精，因為我對味精十分敏感。就算係豬骨湯底都完全冇味精，出色！直得大讚餸菜方面豬手充滿南乳香味，炆得夠火口‘林’中帶有少少煙un口感！雞中翼、豬大腸、豬軟骨、牛腩亦都同樣出色抵讚，炆得入味又軟硬適中！小食蒜泥白肉真係正，未入口已經充滿蒜香，我蒜泥怪大愛仲有滷牛𦟌有口感又香，特別喺淋喺牛𦟌上面D醬好‘嘢’味！辣汁魷魚就中規中矩，大家冇wow 一聲。值得一提小店用心為客人著想，因為佢地D濃味餸菜係會分開上，唔會倒埋落湯麵度‘污染‘D冇味精嘅湯，令客人可以成碗KO哂整體好滿意，價錢合理！絕對會變成我屋企人嘅飯堂！Yeah! 繼續支持小店！