見到大家公司附近有呢間紅館
裝修優雅帶點歐陸風情 就點左個二人餐慢慢歎😎
.
💫六道菜晚市二人套餐 $699
首先會上餐包 每張餐枱已經準備左橄欖油同黑醋🫒
麵包外脆內軟 係我鍾意嘅口感～🍞
.
🌟香草魚茸薯仔沙律配檸檬醬
前菜點左一個沙律 食材新鮮🥗
仲有檸檬同蒔蘿嘅香氣
.
🌟澳洲M8和牛他他
另一個前菜加$28 點左個和牛他他
他他嘅調味好開胃
.
🌟野菌忌廉湯
好濃郁嘅菇湯 口感creamy 🥣
湯面仲有啲靚靚嘅花瓣
.
🌟低溫慢煮雞胸扁意麵配冬陰功醬汁
冬陰功扁意麵好似fusion 菜🍝
小小辣易入口 味道又唔會太搶
慢煮雞胸亦都好軟腍
.
🌟紅館姜母鴨
有成隻鴨腿🦆 配上一啲紅薑絲 擺盤精美
配埋杏脯果醬味道好夾
.
🌟法式香草焗蝸牛配薯茸
香草蝸牛有成8隻 分量都幾多🐌
我食嘅時候有善用埋蝸牛入面嘅香草汁
倒出黎配薯茸一齊食 非常惹味🤤
.
🌟芒果拿破崙/鮮果芝士撻
最後去到甜品就點左兩杯凍檸茶一齊食🫖
芒果拿破崙香脆🥭
而今日嘅芝士撻係藍莓味
芝士撻味道輕盈唔會太甜
為呢餐畫上完美句號🍰
.
餐廳裝修雅致 而且侍應有禮🍴
另一樣好欣賞就係每道菜都會逐樣上菜
咁就可以唔使趕住食同驚啲菜式凍晒
