牛牛日式火鍋放題 (北角匯二期) (Closed)

行過無啦啦想食一個日式任食邊爐，就去到牛牛日式邊爐放題，叫咗個最平嘅基本餐，即係冇海鮮嗰隻。配花椒湯底，湯底要讚，好香，濃度適中。不過始終可能牛肉都係最平嗰個餐，所以冇咩大驚喜基本嘢，不過又唔係好差，只係相對於其他高級餐嚟講，教育冇咁靚，不過當然正常嘅。不過我想講嘅係，竟然成個餐最有驚喜嘅就係出邊飲食嘅鰻魚，鰻魚嘅質素比得住出邊鰻魚專門店。同我朋友食到停唔到口。最抵死嘅就係佢有refill得好快，我哋每一次都係夾中間嗰幾舊，最肥美最滑左幾舊，過十分鐘佢又拎咗一疊新嘅出嚟。琴日食到三份一嘅時候，直程連個火鍋爐就熄咗佢淨係食個鰻魚同埋白飯，連相都唔記得咗影，完全係黐線系列😂