阿純山東餃子

Open Now

Now Closed

第一次黎食，有朋友話食過好好食，打算試下啦。叫左個茴香餃，味道不過不失，feel到有味精味但未到好嚴重。點知食淨兩隻果陣，其中一隻餃子入面有條頭髮，仲要係同啲肉餡纏埋一齊，當堂無胃口再食。咁我同職員講啦，個職員拎住隻餃去同老闆娘講，講完就拎左入廚房，因為佢地唔係講廣東話，我唔知佢地討論左啲咩，到最後亦都無同我交代返，連一句唔好意思都無，好似無事發生過咁。無心情同佢嘈照俾錢走左，呢種態度唔會再黎，而且56蚊黎講係附近有好多其他選擇。