同信士多

Open Now

Now Closed

位置對正龍尾灘 巴希亞隔離 呢度大部份嘅食物都係真空獨立包裝 衛生又乾淨 一包雞翼有六隻 最好有三四個人食 兩個人可能試唔到太多款。不過佢都有散裝串燒雞翼嘅。 提提你 五人免開爐費 開爐費$50。腸仔一包過 冇散裝 四個都未必食得曬 人少唔好攞 但佢有細條芝士腸定蜜糖腸 。雞翼有多種口味， 試咗香茅 孜然 同檸檬 ，個人 認為檸檬味最好 比較特別，但要搽蜜糖先突出到。青口都好味 加少少蒜蓉 唔好多 啲蒜蓉比較鹹 燒魷魚應該搽豉油好 下次試下龍利就唔好試啦 魚嘅質地怪怪地一口牛都係 麻麻地 有筋又韌有錫紙兜比可以煮下菜，又有橙，香蕉，菠蘿 ，檸檬任攞。 任飲款式多 除咗汽水 仲有啤酒 烏龍茶 ，有氣礦泉水就麻麻平日價錢斷鐘計，好均真。 三個鐘應該夠食 ，$150。可以叫三個鐘先，唔夠再加多$20，有多1個鐘。 港鐵大埔站搭小巴20c ，蘆慈田落， 一落就響你眼前。