Date of visit: 29.03.2022
趕住去睇黃子華x林海峰《愛我別走》舞台劇🤩
所以諗住係附近求其揾間餐廳食個快dinner🤓
行左入官涌市政大廈嘅熟食中心揾野食🤪
得2、3間仲有開 本身諗住食雲南米線
點知坐左落隔離哩間新龍江飯店嘅位🙈
抱住坐低左就費事起身嘅心態叫左兩個小炒😂
初時仲心諗：係熟食中心都要$8x咁貴🥹🥴
但估唔到份量都幾大😮 我同我朋友兩個人最後食唔曬🙈
好有驚喜‼️大份夾好食🤭🤭
1️⃣❤️椒鹽雞中翼（HK$85）
【有成十隻 隻隻都好大隻好厚肉🫢
即叫即炸 熱辣辣🔥 好正😋
不過哩個真係幾熱氣 多人share會開心啲🤪】
2️⃣❤️八珍扒豆腐（HK$80）
【哩個先驚喜😍 同類型嘅豆腐
哩碟幾乎係我食過最好食嘅🤣
入面好滑 外面好似有少少脆咁唔係好識形容🤔
總之好正 好惹味 餸飯一流💯】
結論： 街市尋到寳🤩 建議一大班人去食 可以試多幾個小炒😆 但對環境當然就唔好抱有期望😂
——————————————————
新龍江飯店(佐敦寶靈街17號官涌市政大廈2樓熟食中心)
