呢日好早就喺深水埗收工喇，唔係好餓，於是就問下住附近嘅朋友有冇推介嘅街坊餐廳
朋友介紹咗呢間好味牛河
舖頭造型都好親民嘅～
餐牌嘅口號好可愛「有標記，無肚餓！」哈哈～
多種配搭選擇～
粉麵唔啱都仲有小食～
凍奶茶，$7
去親茶餐廳都係飲凍奶茶或者凍檸茶
咁先襯返茶餐廳㗎嘛～
腐乳通菜，$12
份量勁多！而且個腐乳醬真係超級惹味！
腐乳味濃郁，但唔太鹹，同通菜夾得天衣無縫～
店內用上特色嘅 Tiffany Blue顏色，再添可愛元素～
哈哈～
紫菜牛腩牛筋丸湯河，$51
賣相比我想像中好太多了！
味道亦非常好，湯底清甜，有濃濃嘅牛味，但就冇牛羶味
牛腩肉質軟腍滑溜，第一次食到啲咁軟綿綿嘅牛腩，果真唔錯
牛筋丸都係牛味濃郁，爽口彈牙～～
自家製鮮炸魚皮，$6
呢個炸魚皮又係不得了！
爽脆酥香，咬落去就嗦一聲斷開，但係就好少碎碎，因為佢都幾厚下，好扎實！！
推介！！
