吉野家 (Closed)

早幾日諗早餐食咩都諗到頭都爆, 咁啱經過呢間食店, 決定買個行街早餐都好; 於是師傅就一支箭咁入左去喇!不過話時話而家喺呢區食個似樣d嘅早餐, 除時兩兜野都屬唔到身, 但呢度都只係賣緊十七, 好就咁樣師傅決定要個牛肉麵, 餐飲要左凍檸茶, 要加兩蚊!將個行街早餐攞到去監房, 坐底後慢慢攞份早餐出黎; 先講下個包裝, 由於師傅係第一次喺呢間食店度買行街早餐, 起初以為牛肉一定浸喺d麵上面, 點知一打開合蓋, 有少少喜出望外, 麵同牛肉係分開放, 感覺好好! 先講下個麵先, 佢係正牌出品嘅一丁公仔麵, 公仔麵煮得煙煙韌韌, 唔會浸到爛晒, 口感同味覺都覺得好正; 而牛肉就好幾入味, 大部份都好鬆, 小部份就韌少少, 師傅覺得堂食可能效果更好!總括黎講就早餐嘅食物質素唔錯, 如果堂食就應該幾好, 不過行街就冇咩影響啦; 服務態度殷勤有禮, 價錢十九蚊, 都幾抵食! 下次有機會師傅都會再黎, 如果可以堂食而唔使行街就更好, 笑臉可以一比!