首先就嚟個熱辣辣嘅餐包，入面加咗啲洋蔥，口感帶煙韌。
呢間餐廳最出名就係生蠔，所以點都點兩款嚟試吓，南非同愛爾蘭，的確係好新鮮，有好重嘅海水味，亦都好爽口。
鮮野菌磨菇忌廉湯
每一啖都有好重嘅磨菇味，係一款味道教濃嘅湯，攞嚟點麵包就更加好味。
再嚟就係木魚花野菌燒北海道帶子，淡淡嘅炭燒香味，加埋牛油香味同帶子嘅鮮味。必食!
炭燒加拿大天然豬鞍，食落一啲都唔鞋口，質感竟然有啲似牛扒，只係用一啲簡單嘅調味就已經好出色，呢間餐廳連扒都做得咁好，抵我再嚟~
最後一道就係香蕉拖肥忌廉蛋糕，味道唔太甜，但係拖肥味超濃，係真係一定要食嘅甜品。
