1
1
呢間咖啡店係虹吸式咖啡專門店，聲稱係全港唯一有最多、最新鮮咖啡豆嘅咖啡店，咖啡豆係自己炒嘅，不苦不酸！咁啱經過附就試一試！
店舖裝修簡潔，以木傢俬為主，內外都有坐位，而且非常開陽！
☕️ 埃塞俄比亞吉瑪（$45）
個人比較鍾意深炒嘅咖啡豆，經店員推介，試咗呢款，帶柑橘香味，有奶油及朱古力風味，味道好香濃，果然唔酸，唔錯！
除咗有得飲之外，店舖仲有舉辦虹吸式咖啡課程
📝總結：唔係間間咖啡店都有虹吸式咖啡飲，就算有都好貴，但呢間咖啡店唔止多選擇，豐儉由人，絕對值得嚟試！除咗咖啡，仲有三文治、多士同麵食！
