Casa Pennington (Closed)

有一個朋友每次見到我post有海膽嘅食物都會問我係邊間餐廳，今次就決定帶佢去試海膽意粉。呢間西餐廳藏身於隆堡柏寧頓酒店之中，平時經過未必會留意到。呢度主打生蠔、海鮮等等，服務員亦好詳細為我地介紹唔同產地嘅生蠔，不過我地對生蠔興趣不大。見到有蠔Risotto反而覺得幾特別，米飯用蠔湯煮過，鮮味十足！飯嘅烹調時間拿捏得剛剛好，粒粒分明，煙韌帶嚼勁。蠔煎至外層金黃焦香，蠔身肥美，十分鮮甜。海膽蟹肉扁意粉放上亮麗飽滿嘅海膽，賣相吸引扁意粉有咬口，每一條都掛上濃稠嘅番紅花忌廉汁，味道香濃。海膽新鮮甘甜，入口軟滑，見到朋友食得好滿足！最後當然唔少得甜品！呢個梨批絕對值得等上20分鐘！焦糖酥皮舖上熟透了嘅梨肉，香氣撲鼻~~食嘅時候倒少少淡忌廉，份外香甜可口。非常鍾意酥皮嘅質感，咬落香脆得來微微煙韌，啖啖散發焦糖香梨肉爽口清甜，水潤多汁，減輕了整體膩感。雖然價格對我來說有點高，但食物質素令人滿意，希望下次有機會嚐嚐其他菜式。