Read full review
2018-06-25
2283 views
今日要早D番屋企睇波，所以都要早D食晚飯，訂定位，5點半準時來到瓊華呢間八幡屋，呢棟大廈全食肆，我唔係食過好多間，見呢間評語咁好，即管試下。入到來，因為仲早，得兩枱客，坐到啫上下，都有8成滿座，不過都建議訂位先。餐廳基本上都係卡位，坐得舒服，冷氣夠。靠門口果邊全部都係自取食物，擺放整齊，又不時添加，乾淨衛生我地呢段時間收費基本係198蚊位，包左火鍋、刺身放題任飲任食兩個鐘，呢個餐本身係跟美國進口牛肉同豚肩肉，但我地再加左30蚊位食埋特選美國牛肉任食，朋友係牛魔王，一定要加埋，肉質好食D。另外見後面張枱食緊個蒸鍋，原來佢呢度除左一般湯底，例如豬骨、壽喜燒等，仲有個沖繩海鮮清湯連兩層海鮮塔，再加30蚊位升級，於是我地今餐人均連埋加一就284蚊位訂左位就可以4選1訂座優惠，我地揀左生蠔每人一份。職員先上鍋底，清湯底入面有蘿白、蜆、魷魚等。然後好似一般火鍋放題咁寫紙仔下單，有刺身、壽司、手卷、燒物、火鍋配料等，應有盡有有。因為仲等緊個海鮮塔，所以寫左D刺身、壽司食住先。刺身質素都ok，食左三文魚、八爪魚、赤貝，冰底上，夠新鮮花之戀、火炙蟹棒、鰻魚、左口魚壽司味道都唔錯，即時整，舊飯都唔會好大舊
我地呢段時間收費基本係198蚊位，包左火鍋、刺身放題任飲任食兩個鐘，呢個餐本身係跟美國進口牛肉同豚肩肉，但我地再加左30蚊位食埋特選美國牛肉任食，朋友係牛魔王，一定要加埋，肉質好食D。另外見後面張枱食緊個蒸鍋，原來佢呢度除左一般湯底，例如豬骨、壽喜燒等，仲有個沖繩海鮮清湯連兩層海鮮塔，再加30蚊位升級，於是我地今餐人均連埋加一就284蚊位
訂左位就可以4選1訂座優惠，我地揀左生蠔每人一份。
職員先上鍋底，清湯底入面有蘿白、蜆、魷魚等。
然後好似一般火鍋放題咁寫紙仔下單，有刺身、壽司、手卷、燒物、火鍋配料等，應有盡有有。
因為仲等緊個海鮮塔，所以寫左D刺身、壽司食住先。刺身質素都ok，食左三文魚、八爪魚、赤貝，冰底上，夠新鮮
花之戀、火炙蟹棒、鰻魚、左口魚壽司味道都唔錯，即時整，舊飯都唔會好大舊。
跟住好快職員就上埋個海鮮塔，都幾有份量咁，然後佢幫我地調整好時間，十零分鐘計時，個爐停左就食得，好方便。
睇落都幾靚仔，第一層裡面有四隻蠔、兩隻加左蒜蓉粉絲嘅扇貝、兩隻大蝦、南瓜、豆腐
扁貝加左粉絲蒸，都算幾好食，不過要自己加少少豉油先得，否則乾。
大蝦唔係新鮮，還可以啦。
隻蠔有少少過熟，好在都可以接受。
第二層亦都有兩隻青口、兩隻大蚌、螺、蜆、冬瓜同蘿白片。
隻蚌都幾大隻，不過我覺得呢個時間太耐，蒸到佢老左，有少少浪費。
其餘配料不過不失，呢度每位30蚊就唔貴嘅，貪得意可試
呢個套餐嘅三款牛，整體質素都唔錯，幾腍，薄身好快熟，又唔會好多脂肪
之後我地喺自取區拎左D火鍋配料，丸類選擇多，另外蔬菜類都係自取。
食到好飽！
落單點左墨魚滑，彈牙；魚皮餃都幾好食；海蝦新鮮過蒸鍋入面嘅蝦~
佢地仲有燒物，我覺得夠新鮮，見到係即燒，點左天婦羅，香脆；另外雞翼同大蔥豚肉串都好香口。
飲品都係自取。
呢度有一部分食物係自取，點嘅食物亦都上齊，速度快；職員亦不時埋來收拾碗碟，服務都唔錯。
Post
