潮福蒸氣石鍋 (Closed)

今年食過幾次蒸氣海鮮，都係食海鮮套餐，有時食完都仲要加多個糖水，因為好似唔係好夠食。今晚見到呢度寫住"半自助"，應該唔會有呢個情況出現。呢度提供既係半自助形式，$338會有一個set再加任點食物既list，所以都冇咩機會會食唔飽，仲有任飲大支裝嘉士伯、朝日青島啤酒、各式汽水、竹蔗水及韓式飲品。平時呢個價只得個set，無任食，無任飲，所以真係幾抵食。(6位以上送名貴白酒一支)首先當然係混個醬先。新鮮排骨粥粥底可揀排骨粥或瑤柱鮮淮山粥，一開始就會放落去煮，會係你食晒所有蒸既食物先食呢個粥，吸收晒所有精華又夠綿。姫崧茸燉螺肉湯估唔到食蒸氣海鮮都有湯飲，以為普通一碗湯上，原來係一盎湯，而且落足料。脆皮乳鴿一隻食蒸氣海鮮都仲有乳鴿食，真係一個bonus。貝殼盛盆有幾種貝殼類，而且都算幾大隻，幾新鮮。生猛龍蝦一隻龍蝦活生生，仲郁緊，蒸好之後龍蝦肉爽口彈牙。生猛大元貝，蘇格蘭蟶子皇大元貝同蟶子皇都幾大件，同時唔少得用上蒜蓉同粉絲，水準唔錯。美國桶蠔桶蠔size大隻肥美，落埋薑一齊蒸可以減低腥既感覺。北韓鮑魚鮑魚都幾大隻，蒸好之後見到灰色鮑魚邊同白色的鮑魚肉。鮑魚都幾厚身，啖啖肉。雜菜籃除左肉類同海鮮