金子半之助 (Metroplaza) (Closed)

日本過江龍天婦羅！餐牌上嘅選擇唔多，專注做天婦羅。平事日式餐廳係俾綠茶、烏龍茶，呢度用黑豆茶，感覺消滯解膩，唔錯。定價都幾高，試一次就夠了。上天丼$118- 入面有赤甘鯛、海老、小柱魷魚天婦羅餅、溫泉蛋、海苔、莢豌豆，醬汁分開上，可以自行調整鹹淡程度。白飯薄薄一層，起初以為會唔夠飽，但係因為天婦羅多油比較滯，最後都飽。湯一啲味都冇，好似飲緊水。- 我覺得天婦羅當中最好食嘅係溫泉蛋，而家仲係覺得好驚嘆點解可以炸溫泉蛋唔會爆，或者個蛋黃唔會過熟，蛋黃汁撈醬油飯好好味。赤甘鯛好厚肉，冇腥味。小柱魷魚天婦羅餅彈牙，好鮮甜。其他就普普通通，炸粉都幾油。牡蠣車海老天丼- 最近做promotion，follow IG/FB減$30！抵咗少少，不過由點餐到上菜，都等咗幾耐。