此店除了有車仔麵，還有好多街頭小食，例如：魚肉燒賣，魚肉條，碗仔翅，最特別係主食除左麵同飯好，仲可以揀腸粉
每枱也有兩款菜圃，可以任加，一款辣，一款唔辣，同樣好好味
我哋來的時候剛好下午茶，原本$45一個車仔麵包三餸，下午茶只需$39，而我多了兩餸+$2沙嗲汁-我揀左蘿蔔，豬紅，牛腩，牛肚同咖喱魷魚
沙嗲汁好值得加，好野味，令整碗麵層次提升
牛腩唔怕韌，而且重牛味；牛肚好淋；蘿蔔好好味，好入味，多汁無渣，清甜；咖喱魷魚爽口得嚟唔韌；豬紅亦好入味，很滑
仲送熱飲，而我揀了換樽裝豆漿，豆味濃，而且幾大枝下，飲完消辣又解渴
而女友叫碗墨魚條碗仔翅，碗仔翅好耐無食，湯底濃郁鮮味，味道好好，再加上墨魚條不是平時魚肉條係碗仔翅果隻，墨魚味好重
