305
89
13
Level4
2012-04-23 121 views
2月4日, 今個週末因為得到朋友嘅邀請, 所以一大班人嚟到天水圍玩樂一日遊~ 今次係我地平生第二次入天水圍, 亦都完全唔駛問去邊, 全程由朋友帶領~ 第一站嚟到屏山, 食原居民都話正嘅華嫂! 如果唔係有人帶, 我地都真係唔知佢地1點至2點休息, 如果想食2點嗰轉仲要1點半好去排隊, 遲咗排分分鐘有條廿人嘅人龍, 等都等死人… 好彩我地排第一, 一行十人霸一張大枱, 點可以唔叫晒佢地嘅招牌菜?::: 招牌芝士咸牛肉蛋豬仔包 ::: $14喺三個招牌麵包裏面, 我地最鍾意食嘅就係呢一個, 唔好睇佢好似好多料個賣相又好混亂咁, 個味道確實係出奇地夾~ 咸牛肉份量多, 感覺好新鮮, 雖然冇煎過, 但係咸味適中, 係成個包味道精髓所在~ 而芝士同蛋就成就咗個包嘅濃郁感! 蛋煎到半生熟, 所以咬到蛋黃位就有蛋汁流出嚟, 蛋黃都有好香蛋味, 滲入麵包入面超正~ 豬仔包嗰份鬆軟感好襯夾住嗰d料, 如果用比較硬嘅包就可能唔太索蛋汁, 就成為唔到一個完美嘅配合~::: 招牌碎蛋沙律多士 ::: $15呢個多士感覺就唔算好特別, 似平時喺普通西式三文治店都買得到. 多士係烘得幾脆, 麵包都唔係隔夜嘅~ 不過
Read full review
2月4日, 今個週末因為得到朋友嘅邀請, 所以一大班人嚟到天水圍玩樂一日遊~ 今次係我地平生第二次入天水圍, 亦都完全唔駛問去邊, 全程由朋友帶領~ 第一站嚟到屏山, 食原居民都話正嘅華嫂! 如果唔係有人帶, 我地都真係唔知佢地1點至2點休息, 如果想食2點嗰轉仲要1點半好去排隊, 遲咗排分分鐘有條廿人嘅人龍, 等都等死人… 好彩我地排第一, 一行十人霸一張大枱, 點可以唔叫晒佢地嘅招牌菜?

::: 招牌芝士咸牛肉蛋豬仔包 ::: $14
喺三個招牌麵包裏面, 我地最鍾意食嘅就係呢一個, 唔好睇佢好似好多料個賣相又好混亂咁, 個味道確實係出奇地夾~ 咸牛肉份量多, 感覺好新鮮, 雖然冇煎過, 但係咸味適中, 係成個包味道精髓所在~ 而芝士同蛋就成就咗個包嘅濃郁感! 蛋煎到半生熟, 所以咬到蛋黃位就有蛋汁流出嚟, 蛋黃都有好香蛋味, 滲入麵包入面超正~ 豬仔包嗰份鬆軟感好襯夾住嗰d料, 如果用比較硬嘅包就可能唔太索蛋汁, 就成為唔到一個完美嘅配合~

::: 招牌碎蛋沙律多士 ::: $15
呢個多士感覺就唔算好特別, 似平時喺普通西式三文治店都買得到. 多士係烘得幾脆, 麵包都唔係隔夜嘅~ 不過碎蛋沙律好普通, 加塊生菜蕃茄, 份量唔算多… 其實自己喺屋企都整到, 令我地留唔到深印象.

::: 招牌菠蘿包 ::: $12
其實講招牌呢個超級膽固醇組合先係最招牌! 不過其實我又覺得D配搭係格格不入嘅, 就係呢個菠蘿油加煎蛋加蕃茄… 本身係一塊鮮油, 但係嚟到嘅時候已經溶晒, 好差… 另外個煎蛋同牛油味道唔夾, 菠蘿包嘅甜味如果加上一塊鮮油本身就咸甜適中, 而家就好似畫蛇添足, 更加唔駛講墊底嗰塊蕃茄不論味道同質地都令個包大打折扣…

::: 凍檸多 ::: $13
凍檸多真係第一次飮! 即係益力多加檸檬, 不過兩樣同樣係酸嘅野夾埋又咪係一個酸字… 益力多嘅酸味已經蓋過咗檸檬味, 就算點篤爛塊檸檬都唔係好飮到檸味, 所以當係一杯普通益力多飮. 好在加咗冰嘅益力多又幾好飮, 稀番d冇咁杰仲好飮d~

一路食都一路見人排隊, 唔怪得華嫂可以咁寸, 麵包都可以限量發售, 仲要有中場休息~ 要山長水遠嚟, 仲要較啱時間排隊, 我地都可能難d再嚟食~ 不過為咗呢個芝士咸牛肉蛋豬仔包, 都有機會嘅~
招牌芝士咸牛肉蛋豬仔包
158 views
1 likes
0 comments
餡料豐富
140 views
1 likes
0 comments
招牌碎蛋沙律多士
85 views
1 likes
0 comments
用料普通
72 views
1 likes
0 comments
招牌菠蘿包
77 views
1 likes
0 comments
格格不入
83 views
1 likes
0 comments
凍檸多
199 views
0 likes
0 comments
78 views
0 likes
0 comments
94 views
0 likes
0 comments
(The above review is the personal opinion of a user which does not represent OpenRice's point of view.)
Post
DETAILED RATING
Taste
Decor
Service
Hygiene
Value
Date of Visit
2012-02-04
Waiting Time
30 Minutes (Dine In)
Spending Per Head
$26 (Lunch)
Recommended Dishes
招牌芝士咸牛肉蛋豬仔包
餡料豐富