🔹普寧豆醬焗鰻魚
鰻魚好肥美，熱辣辣上枱呀，焗出普寧豆醬的濃香與鰻魚香，回味無窮！
🔹沙茶海鮮鍋
份量十足，熱辣辣用瓦煲上枱，好多海鮮配料，有彈牙鮮蝦，又有大大粒福州丸。沙茶湯底帶微辣，附送一碟油條，油條好香脆，索晒沙茶湯汁特別惹味！
🔹莆田荔枝肉
招牌菜荔枝肉，肉炸得好酥脆，甜甜酸酸好開胃。仲有青瓜蕃茄青椒同原粒荔枝伴碟，口感好清新！
🔹福建海鮮鹵麵
湯底好鮮甜，鹵麵好掛汁，入口滑溜，多款海鮮配料不錯！
🔹薄荷枇杷凍
口感似冰粉，煙韌清甜，薄荷和枇杷味道做得恰到好處，清涼可口！
🔹建蓮雪耳湯
雪耳口感滑溜，蓮子爽口。湯水清甜滋潤，入口即溶，非常適合秋冬進食！
