Video
Read full review
2022-03-05
4030 views
米線相信係香港人嘅comfort food，之前介紹過主打酸辣既唯一雲貴川、葵涌隱世米線、fusion既十三姨，今次介紹嘅呢間係米線關注組薄有名氣，原來係以前荃灣好出名不過而家搬咗去九龍灣，再次證明荃灣係米線之城，九龍灣算近返工嗰邊但要搭車過去，上網睇好多人排隊所以特登避開高峰時間，今次終於有機會食到。肥仔雲南小鍋米線係一間喺荃灣經營左18年嘅米線店，係上年九月因為疫情加上無良業主加租被迫結業，當時荃灣嘅街坊都唔捨得，不過店主兼大廚係今年一月喺九龍灣重開餐廳，仲由雲南小鍋米線改名做肥仔雲南小鍋米線，人氣不減，繁忙時間可以排成半個鐘，聽講連cloud都成日去幫襯。店主表示荃灣競爭大租金貴，而九龍灣嘅新店就方便廚附近嘅屋企人返工，啲舖位雖然細，不過啱晒家庭式經營。餐廳主打酸辣、麻辣小鍋米線，仲有紅薯粉同多款小食供應。九龍灣嘅店舖位置比較偏僻，係屋苑商場入口嘅巷仔，比較難搵，我都搵咗成個字，而且會不定期休息，如果擔心摸門釘可以喺社交平台睇近況。如果係平時晏晝會比較多人，而且外賣比較多，可能要等幾個字先入到去，如果想避開人流可以下午茶先去。餐廳入邊係茶餐廳格局，環境算企理，提供嘅嘢食同以前舊舖
肥仔雲南小鍋米線係一間喺荃灣經營左18年嘅米線店，係上年九月因為疫情加上無良業主加租被迫結業，當時荃灣嘅街坊都唔捨得，不過店主兼大廚係今年一月喺九龍灣重開餐廳，仲由雲南小鍋米線改名做肥仔雲南小鍋米線，人氣不減，繁忙時間可以排成半個鐘，聽講連cloud都成日去幫襯。店主表示荃灣競爭大租金貴，而九龍灣嘅新店就方便廚附近嘅屋企人返工，啲舖位雖然細，不過啱晒家庭式經營。餐廳主打酸辣、麻辣小鍋米線，仲有紅薯粉同多款小食供應。
九龍灣嘅店舖位置比較偏僻，係屋苑商場入口嘅巷仔，比較難搵，我都搵咗成個字，而且會不定期休息，如果擔心摸門釘可以喺社交平台睇近況。如果係平時晏晝會比較多人，而且外賣比較多，可能要等幾個字先入到去，如果想避開人流可以下午茶先去。
餐廳入邊係茶餐廳格局，環境算企理，提供嘅嘢食同以前舊舖一樣，湯底一樣係每天新鮮熬製。招牌化酸辣小鍋米線，配料方面有近50款可選，最多人揀嘅係腩肉同豬軟骨，仲有出邊少見嘅螺旋藻、墨魚頭等，米線仲有自製酸菜。
-🍜 麻辣小鍋米線 小辣 💰32（👅: 8.5/10）
呢度米線嘅湯底係用上四十幾斤豬骨，每日新鮮熬製六個鐘，而辣可以揀麻辣或者酸辣，辣度分別有bb 辣、微辣、小辣、中辣同大辣，第一次食所以就揀咗麻辣小辣。
麻辣小鍋米線
$32
57 views
1 likes
0 comments
麻辣小鍋米線
$32
62 views
1 likes
0 comments
湯底仲會有唔少肉碎，係瘦肉而唔係肥膏，食落去感覺應該用過五香花椒一齊炒，唔係單純落麻粉，配料仲有芽菜、韭菜、酸菜，唔會剩係得米線咁寡，配料同湯都好夾，同米線一齊食好惹味。
-
🍜 蘿蔔 💰0（👅: 8.5/10）
蘿蔔份量幾多，有四大舊，咬落去冇渣，夠哂腍，而且多汁，食落去清甜，而且可以索哂個湯。
-
🍜 腩肉 💰9（👅: 8.5/10）
腩肉嘅份量幾多，有成十幾塊，腩肉同平時食開嘅唔同，唔算係肥個種而係偏瘦，比較薄片，咬落去算有嚼勁，醃得唔錯，食落去入味，會食到五香同埋麻油嘅味道，帶少少辣味，係幾惹味，好似食緊薄片嘅牛肉但唔會太碎，略嫌肉質比較鞋口少少，如果大家想食好多脂肪嘅腩肉會失望，我自己就可以接受。
-
🍜 墨魚頭 💰12（👅: 8/10）
墨魚頭喺米線鋪來講都算係唔常見嘅餸，加上喺呢度嘅招牌所以就叫咗。墨魚頭比較大粒，咬落去爽口彈牙，有嚼勁但唔會好韌，食落去新鮮，有小小墨魚鮮味，同湯一齊食幾夾。
-
🍜 凍奶茶 💰7（👅: 7.5/10）
44 views
1 likes
0 comments
-
🌟米線份量都算大碗，價錢就係中價，有啲人覺得比較重味味精多，我就自己覺得可以接受，個湯可以飲吓不過唔會飲晒，湯底唔會太多油算幾溫和，如果係餸方面我覺得老闆娘同埋雲南小鍋米線會更出色，嗌咗小辣就唔算好麻好辣，下次會試吓中辣同埋試吓酸辣米線，以食物質素來講係值得再戰，如果喺附近返工我應該會成日食。
-
👅味道: 8.5/10
🍴環境: 7/10
💰消費: $40-60pp (服務費: NA)
Post
