龍井 (Closed)

如果唔係搭巴士經過呢個位置都唔會留意到呢度有間餐廳！真係好耐冇食過煲仔飯！今次幾有驚喜，估唔到個煲仔飯幾好味，即叫即整，整到有好香既飯焦😍而且配料好多，絕對足料！好耐冇食過咁出色既煲仔飯！另外佢地既串燒都係即叫即燒，辣度可以落單既時候揀選，推介燒雞中翼+長洲大魚旦，醬汁好香又夠惹味，仲有我鍾意既孜然粉，枱面仲有辣粉可以加，串燒配埋杯啤酒更加正😂可惜今日被珍奶吸引，叫咗杯珍珠奶茶同埋黑糖珍珠鮮奶，大滿足！