Return Coffee 362

呢間係無意中發現既咖啡小店，menu比較多漢堡類或者吐司類既食物，另外呢度既咖啡好似都唔錯，聽朋友講個咖啡師好似有攞過好多獎，不過今日唔係特別想飲咖啡就冇叫到。
 1⃣️芝士蟹肉蛋沙律帕尼尼（$82） 

1

芝士蟹肉蛋沙律帕尼尼

帕尼尼面頭有少少脆，食落唔會乾身，中間蟹肉、蛋沙律、同埋芝士餡料好多好足，仲有蕃茄同青瓜係入面平衡膩感😋伴碟仲有沙律，好fresh！  
2⃣️日本和牛竹炭堡配薯角（$135）
 

日本和牛竹炭堡配薯角

呢個要等耐少少🤏竹炭堡黑色夠曬型格！食落鬆軟，中間既蛋半熟，一咬落去啲蛋汁流曬出黎好正～入面既漢堡都好juicy～要小心呢個burger係會食到好狼狽😂因為佢真係好juicy好多料好好食🤩另外伴碟既薯角都好好食！係啱啱炸起既熱辣辣夠脆～配上黑松露醬好正～  
3⃣️黑白是良知（$35）
 

1

黑白是良知

呢杯係黑芝麻燕麥奶。黑芝麻味道唔算係好濃稠，不過都唔錯幾好飲。  
4⃣️巴斯克芝士蛋糕（$48） 

巴斯克芝士蛋糕

當日既甜品得翻呢一款。芝士蛋糕唔算芝士味好香好濃，不過食落都滑身。如果芝士味再濃啲再厚實啲感覺會更加滿足。