鮮選壽司 (Closed)

荃灣西本來就係日本壽司兵家必爭之地。今日小弟行完城門水塘山消耗大量體力需要高級食材維持生命。新開張關係，拎籌時間6點半大概要到8點左右先有位，已經好過同級壽司店快First of all, 藍鰭吞拿魚拼盤係必食的，性價比係最高。藍鰭吞拿魚都具體表現應有水準。加上壽司係用赤醋，口感會比較濕，相對唔需要點太多豉油。記得豉油係有兩種，一隻甜一隻鹹要睇清楚。Wasabi 都係現磨，呢個係好特別安排，鮮味辣度係好難得。另外，大力推薦帆立貝、吞拿魚他他。翻食指數高。可惜海膽賣晒冇機會試，熟食比例比較少。其次燒三文腩都大條肥仔，油感十足，適合配酒飲。