日式叉燒豚骨湯拉麵 $68
由於我哋兩個人都唔係好肚餓，所以就決定叫一個拉麵同一份吉列牛share食。拉麵嘅配料除咗日式叉燒愛仲有紫菜、糖心蛋同埋筍！湯底嘅豬骨味非常之濃郁，飲完都唔會話好口渴😯 拉麵嘅軟硬度都適中！整體來講不過不失，冇咩大驚喜不過呢個價錢來講都算合格嘅🤩
初見香草吉列牛 $128
我哋見每一台都有嗌呢個吉列牛，應該係餐廳嘅招牌菜，咁就梗係要試吓😆吉列牛附送白飯同埋半隻糖心蛋！吉列牛係即叫即整，再放上爐到自己燒！整體都唔錯，唯一略嫌就係外層嘅炸皮食落唔脆🥲不過牛肉非常之有肉味而且唔會好鞋口！
