瓏門冰室 (Closed)

茶餐廳美食可以話係香港人生活嘅一部份，今日係尖沙咀行左一日，又熱又攰兼肚餓，行經金馬倫道有間龍門冰室，正好解決問題。餐廳清潔闊落，先吃個下午茶餐，沙爹鲜牛肉出前一丁很好味，鲜牛肉嫩滑，味粉麻油另上幾特别。多士改配占醬多，香口美味。滑蛋條裝上碟，香滑吸引，红豆冰豆香清甜。小食蜜糖雞翼香脆可口，再來黑椒牛仔骨煲晚餐，牛仔骨夠腍滑入味，黑椒好惹味，送飯一流。海鮮雜菜煲清淡可口，蝦球爽脆，西蘭花和白菜鲜甜。下午茶餐和晚餐都咁有水準，茶餐廳美食的確係值得我地支持嘅。