新金寶茶餐廳

其實呢邊真係好少嚟，
不過去開JCCAC晏走唯有搵間茶記食住先，
環境就係逼咗啲㗎啦，好在今日唔算多人，唔算太差，
衛生就茶記囉，唔可以預佢太好㗎啦！
茶記無乜好，最好就係基本嘢一定有，
乾炒牛河、星洲炒米嗰啲唔少得，
咁咪叫個星洲炒米飲、凍檸茶囉！
凍檸茶就正正常常嘅， 茶餐廳茶味淡啲唔緊要！
不過個星洲炒米就真係好麻麻，
以為星洲炒米好穩陣，
無乜餸都嚟緊要，連咖哩味都無乜，
成碟靠自己加嘅醬，
茶記連星洲炒米都搞唔掂，不如算啦！
不過佢都算有啲街坊生意，應該唔會執嘅！