今日出大圍搵食，見冇咩人又未食過所以就試吓呢間！一入間餐廳就聞到少少臭味⋯唔知係啲油味定膠味⋯
餐湯係羅宋湯，唔夠味，味道好淡
王牌叉燒牛乳炒蛋飯
本身見隔離枱嗰碟又大碟又好似好好食，所以叫咗
！點知原來麻麻地架咋⋯叉燒偏硬！有So味，雞蛋唔夠滑，個飯仲有啲涷添⋯
諗住魚香茄子穩陣啦！
點知都係麻麻地，唔夠惹味！睇吓啲汁勁多⋯普通醬汁撈飯！唔夠香！
整個常餐，炒蛋都係唔夠滑！方包正常！
最期待嘅瑞士汁雞翼公仔麵，點知係苦㗎⋯燶左陣苦味⋯唉！你睇隻雞翼黑蚊蚊咁，麵全部都係燶味，一啲瑞士汁嘅甜味都冇⋯好失望！
原因之前食嗰啲都已經麻麻哋，所以費事叫佢換⋯
