撈喜 (Closed)

今晚老公帶我食豪d!!原來佢帶我去筲箕灣東大街食撈麵！要排隊添，一定係人氣熱店啦！等左約10分鐘有位，我叫左個「撈喜豪華餐」（$148）豪一豪佢！先黎一份麻辣雲耳，辣辣地幾開胃！之後係燉湯，可以三揀一，花膠/海參/魚翅燉雞，我揀左魚翅燉雞，湯頭好清，有紅棗味，魚翅有一小梳，都幾足料。主角花膠撈麵，我轉做稻庭烏冬，烏冬幾煙靭，花膠有一片夠矜貴。不過，如果唔係個人喜好烏冬，其實撈粗麵味道係夾d。套餐仲包一碟油菜，都幾抵食。