鮮入圍煮花膠雞海鮮火鍋

真係好鍾意打邊爐~！！ 朋友們話想喺尖沙咀打邊爐，一搵之下先知原來 鮮入圍煮 已經搬左去尖沙咀一段時間，好耐無去過喇一於就一齊再去，位置係喺厚福街最入面成橦都係餐廳嘅 H8 上面，環境就明顯比以前細左，坐位都幾迫，坐喺中間嘅長枱 直頭同後面背貼背咁滯。


諗都唔諗立即叫個花膠雞鍋先， 成隻雞連湯上，滾左就梗係飲啖湯先，呢個湯真心係幾好幾夠味，一飲就飲左兩碗，之後拆雞加湯就開始邊爐。

1

濃厚原隻雞煲花膠湯

佢個牛都係唔錯，份量夠，有牛味。

其他配料，其實都係大家去任何一間邊爐都有嘅野喇～

香港人一向都好鍾意打邊爐，所以餐廳嘅選擇都係超級無敵多，喺厚福街深深處上樓仲要喺樓下等𨋢都唔係容易，再加上唔係好好坐，係會打左折扣，不過為左佢個雞湯，係會回頭嘅～！