全店都係賣素食，有座位可供堂食，主食選擇唔算好多。我今次食咗：
🍙 鮮淮山紫米糉 $34
糉係由糯米同紫米造成，餡料有冬菇，淮山同蘿蔔乾。糉嘅大小適中，味道好好又有益。最好嘅係唔使自己整熱，有人服侍埋，不過當然等得耐啲，建議叫住其他嘢食食住等。⏳
🥯 三菇牛蒡素菜包 $22
呢個價錢係一個包，都幾貴，但個包都算大嘅，都係需時整熱但就冇糉等咁耐。三菇包括磨菇，草菇同冬菇，仲有啲蘿蔔同木耳。大包好鬆軟，包同餡料比例剛剛好，加支飲品或糖水當係下午茶都好適合。🧋🫖
🍜 養元 • 珍菌煨麵 $60
上湯係用珍菌煨煮，配以讚岐烏冬，好鮮味同彈牙。餐牌介紹話仲可以「扶正補虛，調節體質，改善脾胃功能」喎，係咪真㗎？🥸
啲菇都調好哂味，尤其猴頭菇最索汁最好味。跟咗一碟辣菜脯，但其實係非常微辣，直接放入口食先有少少 feel，不過加埋同烏冬一齊食都能提升口感嘅。
餐廳嘅裝修都與其名，充滿禪味🧘♂️。除咗上述嘅食品之外，仲有滋補嘅素湯，同素食配方嘅鮮土茯苓膏，所以好啱性格注重養生嘅素友仔㗎。😘
