161
48
41
Level1
3
0
2014-02-09 1651 views
假日期間,同朋友一齊去長洲行山,仲食盡出名的芒果糯米糍,炸薯片,紅豆餅,當然仲有海鮮唔小得啦 食完海鮮後其實都幾飽,都有諗過直接坐船走但聽講呢間甜品店係長洲幾出名,所以都說服左朋友黎呢度食埋甜品先走我地大約8點到,可能時間尚早,裡面仲有空位唔駛等入到店裡望下menu,決定叫4份甜品,我地5個男仔share啦 第一道甜品黎之前,我見店員熄左店內既燈....我心諗,間店黑d係幾有情調,但熄哂燈咪咩都睇唔到....跟住店員拎左火焰雪山過黎,我先知熄燈係為左想我地睇得更加清楚雪山上既"藍火"講真,我份人幾實際,對gimmick野唔太著重,最重要都係味道係點火焰雪山上面既蛋白泡就無咩味道,仲有餘溫,而底下係冷凍既朱古力雪糕,一冷一熱效果幾好,再加上幾濃既冧酒味襯托下,我自己就好鍾意,誠意推介 第二道甜品係心太軟,呢道甜品差唔多間間甜品鋪都有,好容易有比較呢度既心太軟相對上較普通,個心係流基本上做到,但個朱古力汁唔太濃郁,作為朱古力迷既我有小小失望,如果可以再揀既話,我諗我地會叫第二d試第三道係另一經曲甜品疏乎里,利益申報,本人食過幾次疏乎里,就唔太鍾意呢個甜品,所以都無咩期待今次我地叫左檸
Read full review
假日期間,同朋友一齊去長洲行山,仲食盡出名的芒果糯米糍,炸薯片,紅豆餅,當然仲有海鮮唔小得啦


食完海鮮後其實都幾飽,都有諗過直接坐船走

但聽講呢間甜品店係長洲幾出名,所以都說服左朋友黎呢度食埋甜品先走

我地大約8點到,可能時間尚早,裡面仲有空位唔駛等

入到店裡望下menu,決定叫4份甜品,我地5個男仔share啦


第一道甜品黎之前,我見店員熄左店內既燈....我心諗,間店黑d係幾有情調,但熄哂燈咪咩都睇唔到....

跟住店員拎左火焰雪山過黎,我先知熄燈係為左想我地睇得更加清楚雪山上既"藍火"
火焰雪山
76 views
0 likes
0 comments
講真,我份人幾實際,對gimmick野唔太著重,最重要都係味道係點

火焰雪山上面既蛋白泡就無咩味道,仲有餘溫,而底下係冷凍既朱古力雪糕,一冷一熱效果幾好,再加上幾濃既冧酒味襯托下,我自己就好鍾意,誠意推介


第二道甜品係心太軟,呢道甜品差唔多間間甜品鋪都有,好容易有比較
心太軟
42 views
0 likes
0 comments
呢度既心太軟相對上較普通,個心係流基本上做到,但個朱古力汁唔太濃郁,作為朱古力迷既我有小小失望,如果可以再揀既話,我諗我地會叫第二d試

第三道係另一經曲甜品疏乎里,利益申報,本人食過幾次疏乎里,就唔太鍾意呢個甜品,所以都無咩期待
疏乎里
52 views
0 likes
0 comments
今次我地叫左檸檬味,嘩,不得不提,個檸檬味真係超香....香成咁,應該都係香精作怪


味道呢....一如所料,咩味都無,基本上就係食泡....不過我覺得唔關間鋪頭事,係疏乎里呢道甜品本身既問題,都唔明點解會有人鍾意食

最後既甜品係我最最最期待既apple crumble,我係超鍾意蘋果批之類既甜品
Apple crumble
71 views
1 likes
0 comments
呢度既apple crumble我幾收貨,熱騰騰既批加上酸酸地帶點清甜既蘋果粒,再點上碟旁vanilla ice cream食,我覺得好滿足


我偏好較爽脆既蘋果粒,唔鍾意太淋,但呢度既蘋果粒又未免太硬,呢點要改善

整體黎講我覺得師妹甜品做得唔錯,但又未算好出色,如果係長洲食完海鮮後仲有小小口痕,都幾適合黎呢度!
(The above review is the personal opinion of a user which does not represent OpenRice's point of view.)
Post
DETAILED RATING
Taste
Decor
Service
Hygiene
Value
Date of Visit
2014-01-18
Dining Method
Dine In
Spending Per Head
$40
Recommended Dishes
火焰雪山
Apple crumble