Rosie's Cafe by cafe company (Closed)

今日午餐選擇咗位於新城市三期嘅Rosie's Cafe，喺set lunch眾多選擇下就揀咗牛油果吞拿魚蓉蓋飯。落單後，先送上餐湯。是日餐湯係粟米濃湯，味道好濃郁，好香粟米味，有啲似即飲嘅罐裝粟米濃湯。🤤一見到 牛油果吞拿魚蓉蓋飯 送到嚟嘅時候，好色彩繽紛，有大量嘅沙律菜伴碟，無乜油，感覺好健康。牛油果熟得啱啱好，最怕食熟到爛或生到爽口嘅牛油果。，吞拿魚蓉嘅份量剛好足夠，幾新鮮，醬料嘅味道亦不錯。(由於成個飯嘅配料都係生嘅，而且啲沙律菜遮住哂成個飯，俾人話我食草🙄)(原來個飯仲有隻溫泉蛋喺面)最後食完咖啡，又要急急腳返公司繼續努力喇。PS.食物一般，無咩特別 。