村爺爺龍蝦湯.泡飯.燉湯專家

好多媒體都報導過村爺爺，因為佢主打平民價高級嘢，而且真材實料，黃秋生都食過，所以引來唔少人排隊😂

今日食左皇牌推介之一
殿.海鮮龍蝦湯泡飯 $98，有半隻龍蝦，跟一碗白飯。

殿.海鮮龍蝦湯泡飯

$98

呢個龍蝦泡飯除左半隻龍蝦，仲有花膠、花甲肉、墨魚仔、青口等等。啖湯真係好甜好有龍蝦味，泡飯食真係好正！重點係d 海鮮好新鮮，完全唔會腥臭或者霖霖爛爛，而係有口感同埋鮮甜。龍蝦肉都算紮實，味道鮮甜，唔會霉霉爛爛。

殿.海鮮龍蝦湯泡飯

$98

另外點左黑毛豬片拼墨魚圈 $36

1

黑毛豬片肉味濃郁，口感軟滑，有d 似肥牛質感但係鬆軟d，出乎意料幾好味。墨魚圈都彈牙，加上dd 耗油調味，無論浸入湯定就咁食都唔錯。

黑毛豬片拼墨魚圈

$36

村爺爺都真係算良心餐廳，價格合理食材新鮮，希望生意好都可以keep 到落去！