泰巷 (Closed)

今日係lunch 係荃新天地，見到呢間食泰國野又有位喎唔洗等就決定試下佢啦。入到去六成full左右，睇下個menu,佢啲野食又唔貴喎，加幾蚊又有泰式涷奶茶，抵讚！不過味道又係點呢？今次就試下佢既香矛豬扒船河。一上枱就見啲豬扒比較散，唔多似原整一塊，但都見到佢上面有唔少香矛，而麵方面，啲料有唔少，麵上有炸豬皮有驚喜，出面比較少見，湯既味道唔差，不過豬扒同湯都比較油，有改善空間。而個泰式涷奶茶就唔錯夠濃味！