鳴門割烹料理 (Closed)

今日放假plan咗去Megabox 行街，諗住係附近食完lunch 再慢慢行。🐽🐽話想食放題，點知原來Megabox 隔離座國際交易中心間嗚門割煮料理星期六日同公眾假期中午有任食放題。咁就岩哂啦！食飽飽可慢慢行。$268 任飲任食仲包一個主食👍仲有磯煮鮑魚送😍我哋準時12點入座坐個靚位先。餐廳樓底都好高好似酒店格式咁，空氣夠哂流通，坐得舒服唔會好迫。一坐低嘢食都未叫店員已經送上磯煮鮑魚每人一隻。鮑魚幾大隻我唔客氣啦！又淋又入味仲好爽口tim。任食刺身拼盤嘩刺身新鮮同埋勁厚身我最愛油甘魚好鮮甜😍主食我要咗帆立貝吞拿魚腩蓉丼🐽🐽就要汁燒油甘魚串燒我最鍾意厚燒牛舌串真係好厚身食落好有口感，免治鷄肉棒都好味😋壽司拼盤劍魚腩、赤蝦同帆立貝我最愛😍再encore 油甘魚同帆立貝刺身真係好味道😋飲品除咗汽水橙汁仲有乳酸特飲我哋叫咗巨峰乳酸特飮同白桃乳酸特飮唔會太甜幾好飲。