Read full review
2019-04-19
5296 views
俾媽子知道咗早排食過自助餐素菜，佢又扭計話要食喎哈哈。但都知食素未必滿足到佢，於是約埋另一半一齊同佢食返個正式BUFFET係愚人節俾個驚喜佢。上網知到佢天台係住客打卡熱點，可惜今晚主要食野無上到去。唯有留返下次啦。餐廳樓底幾高，坐係入面唔覺焗促，而座位間隔都鬆寛傾計大聲啲都唔怕隔離留意到，有返啲私隱空間。冷盤／沙律都多選擇，凍面包蟹／青口／海蝦／長腳蟹／大蜆，幾款都唔錯。尤其鐘意面包蟹蓋，因為真係好多膏。沙律中嘅香橙羽衣甘藍配上日式芝麻醬非常好食，配搭埋BB紫心薯又脆又軟嘅口感，唔錯。因為早幾日先食完日本野，所以刺身壽司就無食了。反而主要食熟食／甜品。因為呢度做得十分有水準。清酒粉絲煮蜆／長通粉／鰻魚炒飯等煮得都好食，尤其係鰻魚飯嘅魚肉好彈牙，咸甜適中嘅炒飯好令人回味。海龍王湯煮得好出味，大蝦／青口／魷魚／蕃茄嘅味道溶晒入湯水裡頭，啖啖香甜濃郁。紅酒牛尾除咗入味，牛尾骨仲好腍滑，不過紅蘿蔔先係精粹，因為吸收紅酒汁同牛肉嘅味道，加上本身嘅甘味，ENCORE咗兩次！岩鹽板燒安格斯牛肉。睇住師傅將牛肉放上岩鹽板，再慢慢燒熟其間發出嘅油脂香味已經令人流晒口水。牛肉因為經過鹽燒所以唔需額外調味就
上網知到佢天台係住客打卡熱點，可惜今晚主要食野無上到去。唯有留返下次啦。餐廳樓底幾高，坐係入面唔覺焗促，而座位間隔都鬆寛傾計大聲啲都唔怕隔離留意到，有返啲私隱空間。
冷盤／沙律都多選擇，凍面包蟹／青口／海蝦／長腳蟹／大蜆，幾款都唔錯。尤其鐘意面包蟹蓋，因為真係好多膏。
沙律中嘅香橙羽衣甘藍配上日式芝麻醬非常好食，配搭埋BB紫心薯又脆又軟嘅口感，唔錯。因為早幾日先食完日本野，所以刺身壽司就無食了。反而主要食熟食／甜品。因為呢度做得十分有水準。
清酒粉絲煮蜆／長通粉／鰻魚炒飯等煮得都好食，尤其係鰻魚飯嘅魚肉好彈牙，咸甜適中嘅炒飯好令人回味。
海龍王湯煮得好出味，大蝦／青口／魷魚／蕃茄嘅味道溶晒入湯水裡頭，啖啖香甜濃郁。
紅酒牛尾除咗入味，牛尾骨仲好腍滑，不過紅蘿蔔先係精粹，因為吸收紅酒汁同牛肉嘅味道，加上本身嘅甘味，ENCORE咗兩次！
岩鹽板燒安格斯牛肉。睇住師傅將牛肉放上岩鹽板，再慢慢燒熟其間發出嘅油脂香味已經令人流晒口水。牛肉因為經過鹽燒所以唔需額外調味就已經好好食，可惜係食完要再排隊啊～排咗幾次先滿足！
隔離嘅豬肋骨扒都係必食之一。烤梮得入味嘅豬肋骨配上少少醬汁，食落軟腍再配埋一口鴨肝真係雙重享受。
焦糖岩鹽蛋糕。外層嘅粉藍忌廉加入咗岩鹽所以食落有啲啲咸味，配搭埋乾身海綿蛋糕及焦粉碎都唔錯。適合呷上一口咖啡享受當中嘅五味雜陳。
麵包布丁配上雲呢嗱汁甜得黎帶出淡淡蛋香，雖然唔係好滑溜質感，但口感仍然不錯。
餐廳仲多美食但因為肚皮容量實在有限，未能一一品嚐實在可惜。但以價錢及食物質素黎計算可說得上幾抵食。閒日過黎食自助午餐更加係好抵，有時間更可上天台飽覽東九龍嘅城市景觀，唔錯。
Post
