自家燒吧 (Closed)

之前睇到好多介紹自家燒吧，已經好想嚟呢度體驗下自轉bbq!我地當日價錢做緊$238加1 ，發現如果中午過黎食百幾蚊咋，超抵！飲品櫃主要都係常見紙包及罐裝汽水。雪糕就雀巢品牌，仲有朱古力牛牛雪條除咗凍櫃穿好一串串嘅生肉之外仲有唔少熱葷選擇！ 雞翼、豬頸肉、麥樂雞、仲有蒜蓉焗蠔。重頭戲就係呢個凍櫃，超過20幾款不同口味肉串、丸腸類、素菜、菠蘿、仲有棉花糖可以選擇！桌上會有3款味粉、3款醬汁提供。頭一輪放晒肉串醫下肚先。自轉bbq唔洗自己郁，放上去自動均勻旋轉受熱！食物輕易就可以燒得金黃香脆。強烈推介：牛肉、叉燒、燒賣、午餐肉、台灣腸、沙律丸！ 除咗任食BBQ串燒，仲有得畫紙仔叫飯麵、特色小食、仲有炒菜添！飲品方面，貼心位係有水吧沖調檸茶、檸水。呢方面好少放題店可以做到。本人飲檸茶要走甜，同樣滿足到要求。大大杯有茶餐廳水準。蒜蓉唐生菜，食咗咁多肉，可以食返啲炒菜平衡下。最後梗係唔少得燒嘢食必食燒棉花糖。我哋一共食咗三串，燒到外皮金黃，超級滿足！總括來講，呢間餐廳幾有創意食物質素都係唔錯嘅放題店!值得一試～